Slove
Kajkavski književni jezik ima 28 slov:
a b c č d đ e f g h i j k l lj m n nj o p r s š t u v z ž.
22 latinične slove, 4 slovke z dijakritiki ter 2 dvo-slove.
Kajkavski jezik niema glasa niti slove ć.
Kajkavski jezik originalne ne pozna gloasa đ, on je posuđeni z mađarskega ili z štokavskoga (turcizmi), ovisno o rieči (đunđa – turcizem z mađarskega; rođen – štokavizem). I den denes se v govoru koriste autentične Kajkavske reči bez “đ”: “rojen, meja, žeja“, štere treba preferirati.
Tipično za Kajkavskega jezika su njegvi dvoglasi(diftongi), ki su kombinacije dvoa vokala: oa, uo.
Slogotvorno r se zgovarja i piše er: serdce, černi.
Kajkavski se nemre tipizirati kak ekavski govor (po refleksu jata), jer v Kajkavskem govorom mi čujemo več dvogloasa ie od e. Pelde: liepo bielo mlieko. Vsikak je išče mogúče: lepe bele mleke.
Kajkavski jezik ima zarad svojeh dvogloasov polno več vokalov od Štokavskega. Cifra dvogloasov ovisi o govoru.
Mi ovdi prezentiramo 10 vokalov štere največ čujemo od Međimorja priek Zagorja do Turopolja i Moslavine, a šteri su nekov minimum živeh Kajkavskev vokalov1:
Vokali
/a/ (auto) -> a
/æ/ (meso>mäso, jezik>jäzik, pet>pät) -> ä – odprto e
/ɛ/ (pes, nje) -> e
/e/ (stolec) -> e
/ie/ (bieli) -> ie (refleks jata)
/o/ (morje) -> o
/oa/ (vroabec, gloas) -> oa
/uo/ (zuob, ruoka, kuod) -> uo (štokav. zub, ruka, kuda)
/i/ (ftiček) -> i
/u/ (vujec) -> u
1 Međimorski kajkavski govor ima 5 drugačkeh varijaciji gloasa e. Skup z drugemi vokali je to prek 10 vokalov!
Refleks jata v Kajkavskomu jeziku more poleg ie išče biti ei, e, i. V književnemu Kajkavskomu se največ piše e i ie.