Popis zmen*:
- nepostojani e
- prieglas
- palatalizacija i jotacija
- v govoru: zvučna glasovna zmena (jednačenje suglasnikov po zvučnosti)
- mestna glasovna zmena (jednačenje suglasnikov po tvorbenom mestu)
- vmetanje slova –l (epenteza)
- i drugi: (izpadanje pojedinačnoga suglasnika ili sloga, alternacije suglasničkih skupov, preširivanje)
Nepostojani e
Nepostojani e je osebujni gloas šteri v nekih pridevih, imenicah ter zamenicah postoji lestor v nešterih padežih (največ v nominativu), a v drugih ne.
- stolec > stolca
- bogec > bogca
- hitvalen > hitvalnega
- ves > vsa > vsi
Nepostojani e ne nestaje v nekih slučajih, (pelda -če se dela o dodanom nastavku).
- gumbek > gumbeka
- stolček > stolčeka
Prieglas
Prieglas je zmena glasa o z glasom e pred gloasi: č, ž, š, lj, nj, c, r
- prijatelj > prijateljov > prijateljev
- središče > središčom > središčem
- muž > mužom > mužem (plural)
Palatalizacija i jotacija
Palatalizacija v Kajkavskom jeziku ne postoji v takvi meri kak v standardnom hrvatskom jeziku.
V palatalizaciji i jotaciji dohaj do zmene palatali v nepalatalne gloase. V jotaciji se gloas j spoaja z drugim gloasom kak bi se dobil palatalni gloas, a v palatalizaciji se nepalatalni gloas, zarad sledečega gloasa pretvara v palatalni gloas.
Pelde:
- Nega palatalizacije v vokativu kajti Kajkavski nema vokaktiva,
- Nega je v kajkavskom prezentu: tečeju-tečem vmesto “teku-tečem”, i pečeju-pečem vmesto “peku-pečem”
- Isto tak neje “lovac-lovčev” ili “stric-stričev” nego lovec>lov(e)cov, i stric>stricov
- vrh + -ek > vrhek (nie vršek)
- rak > rakec (nieje račič)
Palatalizacije ga je v:
- Oreh > Orešje
- Breg > Brežje
- Bog > božji.
- isk(ati) + -jem > iskjem > isčem > iščem
- potok + -je > potokje > potočje
- serc(e) + -en > sercen > srčen
- Jotacija:
- tern + -je > tern‘je > ternje
Je ga i dvojnosti:
- knjig(a) + -ica > knjigica il knjižica
Zvučna glasovna zmena v govoru (jednač. suglasnikov po zvučnosti)
Toa zmena se more čuti lestor v govoru, a v pisanju ne bilježimo zvučne zmene, zarad korijenskega pisanja. Znači da korijen temeljne rieči ostaje sčuvani. Tak je vu vekšini Slavenskeh i Evropskeh jezíkov.
Ak se skup najdu zvučnik i bezzvučnik, ne bu se dogodilo niš.
| Zvučnik | b | d | g | z | ž | dž | v | ø | ø |
| Bezzvučnik | p | t | k | s | š | č | f | c | h |
- vučiti > vučbenik
- opaz(iti) + -ka > (o)pazka
- vrabec > vrabca
- raz- + serditi > razserditi
Mestna glasovna zmena (jednač. suglasnikov po tvorbenom mestu)
| Glasi | s | z | h | z | n |
| Pred glasim | č dž lj nj | p b | |||
| Zmena v | š | ž | m | ||
- terbuh > terbuščec
- prositi > prošnja
- oprost > (o)proščenje
- voziti > vožnja
- obraniti > obramba > obrambeno
Vmetanje slova l (epenteza)
Gda se skupa najdu slove p, b, m, v z slovom j, zmed njih se vmeče slovo l štero se stoaplje z slovom j tvoreči lj.
Pelde: g(e)rmlje, divlji, zdravlje
* pogleč išče na 1. stroani o distinktivnem karakteristikam Kajkavskega jezika