Kaj čini tradicionalnu Kajkavsku kulturu?
Čine ju vsakojački kulturni izražaji štere su razvili Kajkavci čez jezeroletja v dialogu s kulturnem Srednjoevropskem krugu v šteromu su nastali, v regiji kam su se v 6. stoletju doselili1, tam gde Alpski bregi v Panonsku nizinu prehajaju.
Kontinuitet Kajkavske kulture i živlenja2 je navučno dokazani, ali je ga išče pouno za iskati i najti!
Čine ju bogáta nematerijalna baština kak Medjimorske popevke z pentatonskom lojtricom3, mitologija Kajkavskega kraja4 ; delanje tradicionalneh derveneh igrački, Lepoglavska i Svetomarska čipka, medičarski obrti Licitarskega srdca, medenjaka i gverca.
Kajkavska Naiva je autentični slikarski smer nastal z zadružne i spiritualne tradiciji Kajkavcov v Podravju i Zagorju, znači z njihove duhovnosti i zadružne navade življenja. Kak takov je jedinstveni i neponovljivi na svietu.
Kajkavsku kulturu definira i osebujni Kajkavski jezík v šterom su nastale vse te popevke, pripovesti i književna dela. Čine ju i materijalna baština kak tradicionalne zemljéne (šopane) hiže, ter osebujne drvene hiže karakteristične za Kajkavsku regiju, zgrade i (selske) hiže Secesije. Dvorci i gradi štere su Kajkavci gradili. Križna drieva po križoputjem, štera su v isto vreme i nematerijalni spomeni sakralizacije prestira življenja Kajkavcov!
Kajkavska kultura je nezmerljivo bogáta, vsakojačka i prezentira jedinstvenu vrednost Kajkavcov i njihovoga kraja (regije) za Evropu, ter je del svetske kulturne baštine.
Več o Kajkavski tradicionalni kulturi morete najti na Portalu Tradicionalne Kajkavske Kulture Kajkaviana-magica.eu
1) Krešimir Filipec 2012: Karolinška crkva u Loboru i počeci kristijanizacije sjeverne Horvatske. Navučni skup “Kajkavski jezik, književnost i kultura čez stoletja“, Krapina
Vu delu su na peldi Lobora prezentirani arheloški fakti za kontinuiranu naseljenost i prisutnost kulture onda Kajkavskih predkov Panonskih Slavenov.
2) Željko Tomičić 2009: Pogled u arheološko naslijeđe ranoga srednjovjekovlja Varaždina i njegove šire okolice, 800 godina slobodnoga kraljevskog grada Varaždina 1209-2009: Zbornik radova s međunarodnoga znanstvenoga skupa održanoga 3. i 4. prosinca 2009. u Varaždinu, Zagreb, Varaždin, 2009. (poveda o kontinuirani naseljenosti područja okoli Varaždina i Međimorja)
i Željko Tomičić 1999: Ranosrednjovjekovno groblje u Sv. Jurju u Trnju u Međimurju – prinos datiranju nalazišta, Contributions of Institute of Archaeology in Zagreb, Vol.15/16 No.1, Zagreb
3) Vinko Žganec 1924: Hrvatske pučke popijevke iz Međimurja, JAZU, Zagreb. Moderna pelda za pentatonsku lojtricu je poznáta pesma “Grad se beli preko Balatina“
4) Vid Balog 2011: Hrvatska bajoslovlja, AGM, Zagreb (knjiga o Kajkavski mitologiji, na Kajkavskom jeziku zvirneh govornikov)